عظَمة على عظَمة يا ريس

By: Jehan Alfarra

رح اكتب هاي البوستة بالعربي لإنو انا أوفيشالي متنرفزة بهاليوم الي حالف يمين ما يعدي على خير، وأهو نوع من التغيير بردو، لنمشي على خطى الثوار. البلد عايمة وناس بتقتل وناس بتنقتل وكلٌ يغني على ليلاه. واحد الله أعلم شو ملته كان بيلفلف اليوم وبيوزع منشورات، قلت هاتي يا بنت نشوف شو الحكاية.. مسكت الورقة وقريت اول كم سطر، وفكّى خبط بالارض. ما عرفت واللهي أضحك ولا أضحك! شوفو بنفسكو

إسرائيل الي طلع فيها نتياهو ينادي إنو الحكومة  الجديدة لازم تحترم اتفاقية السلام مع إسرائيل، واسرائيل الي أعلنت إنها سـ” تغض الطرف ” عن الدبابات “المصرية” الي دخلت حدود محظورة ، راح تحتل مصر؟؟؟ يعني احكولي ديري بالك العالم كلو ملتهي بمصر يمكن إسرائيل تستغل هالوقت وتروح تتسلى بغزة شوية، مهوا مين شايف؟ هاي ممكن أبلعها، بس تيجي على مصر قدام العالم كلو؟؟ هيهيهي

ماشي، إسرائيل وفوتناها، هلأ غزة وحماس “الشيعية” الي تدخلت وقفلت المعبر أول ما انسحبت القوات المصرية من رفح، والي مانعة احتجاجات ضد مبارك بغزة، بدها تيجي تحتل العريش!!؟؟ بفففف!!! يا إمي الحئيــــني ههههه
لا وشو، سكان غزة 3 مليون، يعني العالم كلو قرف من كتر ما بنعيد وبنزيد غزة الي فيها مليون ونص.. يعني اوكي، سوقو شوية هبل على هالعالم، بس بلا مؤاخزة يا باشا!! هيك بزيادة 2 كيلو

أحلى شي إنو الفلسطينية والإسرائيليين محطوطين ببندين تحت بعض، مهوا نسيت إنو احنا والمصريين أعداء.. بعدين حدد موقفك يا كابتن، يا احتلال اسرائيلي، يا احتلال فلسطيني (هههه احتلال فلسطيني)، بس التنين؟؟ لا هيك صار مصر كيكة وهاتو ياولاد نتقاسم

آآآآخ
المهم، أنا بدي حل للنت، صارلي من الصبح على اليوتيوب بدي أرفع هالفيديوهات والأخ حالف يمين ينشف ريقي/ أنا رايحة أشرب مية